"Милан" марказий ҳимоячиси Малик Тиав Леверкузеннинг "Байер" клуби эътиборида қолмоқда.
"Доришунослар" немисга ёзнинг бошидаёқ қизиқиш билдирган, аммо ўшанда ҳамма нарса миш-мишлар билан чекланиб қолган. Шунга қарамай, Gazzetta dello Sport хабарига кўра, "Байер" жорий трансферлар даврида Тиавни ўз сафига қўшиб олиш фикридан қайтмаган. Немис клуби янги ҳимоячи қидирмоқда ва "россонерилар"нинг 23 ёшли футболчиси номзодлардан бири сифатида кўрсатилган.
Малик Тиавга айни дамда асосий даъвогар сифатида "Ньюкасл" тилга олинмоқда ва у футболчи бўйича таклиф тайёрламоқда.
"Transfermarkt" порталида Тиавнинг тахминий нархи - 18 млн евро.
