Лондоннинг "Челси" клуби собиқ футболчиси Шон Райт-Филлипс Энцо Мареска жамоасининг Англия Премьер-лигасининг янги мавсумидаги истиқболлари ҳақида фикр билдирди.
"Челси" чемпионлик учун курашади. Жамоа ўтган мавсумда кураша олишини исботлади. Лондонликлар ҳужум чизиғида кучга эга, улар ҳар қандай рақибга кўплаб муаммолар туғдириши мумкин. Биз буни клублар ўртасидаги жаҳон чемпионатида кузатишимиз мумкин эди," - деди Райт-Филлипс.
Эслатиб ўтамиз, "Челси" клублар ўртасидаги жаҳон чемпионати ғолибига айланди. Англия чемпионатининг ўтган мавсумида "аристократлар" турнир жадвалида тўртинчи ўринни эгаллаган эди.
