"Челси" Хави Симонс учун 50 миллион фунтдан ортиқ сарфламоқчи эмас.
Аввалроқ, лондонликлар "Лейпциг" билан хавбек бўйича музокараларни давом эттираётгани хабар қилинганди. Немис клуби расмий таклифни ёзма равишда кутмоқда.
Sky Sports журналисти Каве Солхеколнинг маълум қилишича, "Челси" Хавини 50 млн фунтдан камига қўлга киритишга умид қилмоқда. "Кўклар" футболчини 50 миллиондан 55 миллион еврогача (44-48 миллион фунт) баҳоламоқда.
Ярим ҳимоячининг ўзи аллақачон Лондон жамоасига ўтишга тайёрлигини билдирган.
Ўтган мавсумда Симонс Бундеслигада 25 та ўйинда 10 та гол ва 7 та голли узатмага муаллифлик қилган.
