Ҳимоячи Малик Тиав фаолиятини Англияда давом эттириши мумкин. Ижтимоий тармоқларда Германиянинг Sky телеканали журналисти Патрик Бергернинг ёзишича, "Ньюкасл" ва Тиав 4 мавсумга мўлжалланган шартнома шартлари бўйича келишиб олган.
Бироқ, энди "Ньюкасл" 23 ёшли Тиавнинг трансфери бўйича "Милан" билан келишиб олиши керак. Сўнгги 30 миллион евролик таклифдан сўнг музокаралар давом этмоқда. Шу билан бирга, "россонерилар" бош мураббийи Массимилиано Аллегри клубга Тиавни жамоада сақлаб қолиш истагини билдирган.
Малик Тиав "Милан" сафида 85 та ўйинда майдонга тушиб, битта гол урган ва шерикларига иккита голли узатма берган.
