"Манчестер Юнайтед" бош мураббийи Рубен Аморим ўз жамоасида "Брайтон" ярим ҳимоячиси Карлос Балебани кўришни истамоқда.

Португалиялик мураббийнинг фикрича, камерунлик футболчи 3-4-3 схемасида майдон марказида ўйнаш учун жуда мос келади, деб хабар беради инсайдер Фабрицио Романо. 21 ёшли футболчини ўз томонига оғдириб олиш эса амри маҳол, чунки "чайкалар" уни сотишни истамаяпти ва жуда катта нарх белгилаган.

Transfermarkt талқинига кўра, Карлос Балебанинг нархи 40 млн еврони ташкил этади. Хавбекнинг "Брайтон" билан шартномаси 2028 йилнинг ёзига қадар мўлжалланган ва уни яна бир йилга автоматик равишда узайтириш имконияти мавжуд.