"Ливерпуль" бош мураббийи Арне Слот клубнинг трансфер бозоридаги фаолияти ҳақидаги саволга жавоб берди.

"Қизиллар" 300 млн евродан кўпроққа янги футболчилар харид қилган, умумий сотув нархи эса 150 млн евродан кам.

"Охирги икки йилга қарайдиган бўлсак, бизнинг соф харажатларимиз бошқа клубларга қараганда пастроқ экани аниқ. Бизни Премьер-лига фаворитлари деб ҳисоблашмоқда - ўтган мавсумда чемпион бўлганимизни ҳисобга олсак, бу нормал ҳолат. Бундан ташқари, биз яхши ўйинчиларни сотиб олдик, бу бошқа клублар ҳақида ҳам айтиш мумкин. Айнан шу АПЛни жозибадор лигага айлантиради. Ўйлашимча, сўнгги пайтларда камтарона трансфер кампаниясидан сўнг чемпионликни қўлга киритган ягона жамоа бор эди - бу ўтган мавсум намунасидаги "Ливерпуль," - деди Слот матбуот анжуманида.