Адемола Лукман "Аталанта" билан машғулотларга қайтиш ўрнига навбатдаги таътилга жўнаб юборди.
Аввалроқ, "Интер"га ўтиш истагида бўлган футболчи кетма-кет икки марта клуб базасига келмаган ва машғулотларни ўтказиб юборган эди.
Энди эса ҳужумчи Италияни тарк этиб, қўшимча таътилга чиқишга қарор қилди, дея хабар бермоқда инсайдер Альфредо Педулла.
"Аталанта" раҳбарияти футболчига катта миқдорда жарима солиш бўйича талабнома тайёрлади. Унинг хатти-ҳаракатлари, сабаблари ва яқин кунларда нима бўлишидан қатъи назар, мутлақо номақбул ҳисобланади.
"Интер"нинг Лукман бўйича 45 млн евро миқдоридаги иккинчи таклифи бонуслар билан рад этилгач, миланликлар бу миқдорни яна ошириб, сўралган 50 млн еврога яқинлаштиришга тайёр экани хабар қилинганди.
Эртами-кечми барча томонларни қониқтирадиган ечим топилиши кутилмоқда.
