"Ньюкасл" ҳужумчиси Александр Исак клубдан шартномани узайтириш бўйича янги таклиф олди.
Швед кетишга қарор қилган ва ёзги трансферлар ойнаси ёпилгунга қадар "Ливерпуль"га кўчиб ўтмоқчи. Инсайдер Фабрицио Романонинг маълум қилишича, яқинда "ҳаккалар" раҳбарияти яна бир бор ҳужумчини меҳнат шартномасини узайтиришга кўндиришга уринган, бироқ у рад жавобини берган. 25 ёшли футболчининг режалари ўзгармаяпти - у Арне Слот жамоасида ўйнамоқчи. Мерсисайдликлар катта трансфер мақсадидан воз кечишмади.
Александр Исакнинг Transfermarkt порталидаги нархи 120 млн еврога баҳоланмоқда. Футболчининг амалдаги шартномаси 2028 йилгача мўлжалланган.
