"Бавария" ҳали трансфер бозоридаги ишларини якунлагани йўқ.
Мюнхен клуби «Штутгарт» ҳужумчиси Ник Вольтемадени қўлга кирита олмади, бироқ 23 ёшли немис футболчиси клуб учун устувор мақсад бўлиб қолмоқда - бу трансфер учун ҳатто махсус бюджет ҳам ажратилган, дея хабар беради журналист Стефан Кумбергер.
Бундан ташқари, "Бавария" "Ан-Наср"га ўтишга қарор қилган Кингсли Команнинг ўрнига футболчи топмоқчи. Бир томондан, "Бавария" хўжайинлари жамоанинг сон жиҳатдан қисқаришини маъқулласа, бошқа томондан, раҳбарият Чемпионлар лигасида муваффақиятли ўйнаш учун таркиб кучли бўлиши муҳимлигини тушунади.
