"Барселона" Ла Лига янги мавсумининг 1-туридан ўрин олган "Мальорка"га қарши баҳсга тайёргарлик кўрмоқда. "Кўк-анорранглилар"нинг сафар учрашуви 16 август, шанба куни бўлиб ўтади. Mundo Deportivo нашри тарқатган хабарга кўра каталонияликлар бош мураббийи Ханс-Дитер Флик жамоасининг асосий таркиби бўйича бир қарорга келган.
Мураббийда фақат ўнг қанот ҳимоячисининг позицияси шубҳа уйғотмоқда: немис ҳозирча Жюль Кунде ва Эрик Гарсиядан ким асосий таркибда ўйинни бошлашини ҳал қилмаган. Ҳимоядаги қолган позицияларни Алехандро Бальде, Кубарси ва Араухо эгаллаши, дарвозада эса Жоан Гарсия ўйнаши кутилмоқда - фақат уни рўйхатдан ўтказишга улгуриш керак. Ярим ҳимоячилар учлиги Педри, де Йонг ва Фермин Лопесдан иборат бўлиб, Рафинья, Ферран Торрес ва Ямал ҳужумда ҳаракат қилади.
"Мальорка" - "Барселона" учрашуви Тошкент вақти билан соат 22:30да бошланиши режалаштирилган.
