"Рома" ярим ҳимоячиси Лоренцо Пеллегрини фаолиятини Англия чемпионатида давом эттириши мумкин. Футболчи "Вест Хэм"нинг трансфер мақсадлари рўйхатига киритилган. Бу ҳақда GiveMeSport хабар бермоқда.
Манбанинг ёзишича, "болғачилар" римликлар сардори ҳақида суриштирув олиб боришган. "Рома" Пеллегринини текинга қўйиб юборишга тайёр, чунки улар жамоанинг маошлар фондини қисқартиришга ҳаракат қилмоқда.
Аввалроқ, номи ошкор этилмаган АПЛ клуби футболчига қизиқиш билдираётгани ҳақида журналист Николо Скира хабар берган эди. Унинг маълумотларига кўра, инглиз жамоаси аллақачон италиялик футболчининг вакиллари билан алоқа ўрнатган.
Пеллегрини Рим клубида 2017 йилдан буён тўп тепиб келмоқда. Ўтган мавсумда 29 ёшли хавбек жамоасига 34 та ўйинда ёрдам бериб, 3 та гол ва 3 та голли узатмани ўз ҳисобига ёздириб қўйди. Бир йилдан сўнг Пеллегринининг "Рома" билан амалдаги шартномаси якунланади.
