"Барселона" вингери Ламин Ямал катталар футболидаги учинчи мавсумга тайёргарлик кўрмоқда. 18 ёшли футболчи мавсумолди ўйинларини ажойиб ўтказди - 4 ўйинда 4 гол ва 1 голли узатма. Якшанба куни Жоан Гампер кубоги финали доирасида "Комо"га қарши кечган баҳсда (5:0) ёш испаниялик дубль қайд этди.

Испаниянинг машҳур Sport нашри журналистларининг фикрига кўра, Ямал ўтган ёрқин кампания фонида ҳам янада яхшироқ ўйнай бошлади: "Энди у янада тезкор, кучли ва чаққон ўйинчи, ҳужумларни самаралироқ якунлайди," - деб ҳисоблайди газета муҳаррирлари.

2024/25 йилги мавсумда Ламин Ямал Ханс-Дитер Флик жамоаси сафида 55 та ўйинда майдонга тушиб, 18 та гол ва 25 та голли узатмани амалга оширди.