"Челси" "Манчестер Юнайтед"дан Алехандро Гарначони сотиб олишни хоҳламоқда ва ўз ўйинчиларидан бирини аргентиналик футболчига алмашишга тайёр.
Клублар аргентиналик қанот вингери нархи бўйича ҳали келишувга эришмаган, шу боис "кўклар" "қизил иблислар"га ўз футболчиларини битимнинг бир қисми сифатида таклиф этган.
Инсийдер Фабрицио Романонинг хабар беришича, Гарначо эвазига манкунианчилар ҳужумчилар Николас Жексон ва Кристофер Нкунку, шунингдек, ҳимоячилар Аксель Дисаси ва Ренату Вейгадан бирини олишлари мумкин эди. "Манчестер Юнайтед" юқорида тилга олинган тўрт номзоддан бирини танлаш имкониятига эга бўлса-да, бундай таклифга қизиқиш билдирмади. Аксинча, улар маблағларни бошқа позицияларни кучайтириш учун қайта сарфлашни режалаштирганликларини маълум қилишди.
