Усмон Дембеле атрофидагилар Ашраф Ҳакимийнинг "Олтин тўп" ҳақидаги сўзларидан ҳайратда.
Олдинроқ парижликлар ва Марокаш терма жамоасининг ўнг қанот ҳимоячиси интервюсида “Олтин тўп”га лойиқ эканини таъкидлаган эди: “Мен тарихий мавсум ўтказдим – Чемпионлар лигасининг чорак финал, ярим финал ва финалида кўп ўйинчи гол ура олмайди. Ҳимоячи учун буни қилиш яна-да қийинроқ”.
Lequipe нашри хабарига кўра, Дембеле Ҳакимий билан яхши муносабатда бўлиб, ОАВда ўзини "Олтин тўп"га даъвогар сифатида кўрсатишга қарши ва фақат унинг майдондаги ҳаракатларига қараб баҳоланмоқчи. Бироқ вингернинг айрим яқин дўстлари жамоадошининг гапларидан ҳайратда қолишди.
Шу билан бирга, Дембеле атрофидагилар ҳар қандай келишмовчиликни инкор этиб, ҳар ким ўз фикрини билдиришга ҳақли деб ҳисоблайди.
"Олтин тўп" соҳиби номи 22 сентябрь куни бўлиб ўтадиган тақдирлаш маросимида аниқланади.
