Usmon Dembele atrofidagilar Ashraf Hakimiyning "Oltin to‘p" haqidagi so‘zlaridan hayratda.
Oldinroq parijliklar va Marokash terma jamoasining o‘ng qanot himoyachisi intervyusida “Oltin to‘p”ga loyiq ekanini ta’kidlagan edi: “Men tarixiy mavsum o‘tkazdim – Chempionlar ligasining chorak final, yarim final va finalida ko‘p o‘yinchi gol ura olmaydi. Himoyachi uchun buni qilish yana-da qiyinroq”.
Lequipe nashri xabariga ko‘ra, Dembele Hakimiy bilan yaxshi munosabatda bo‘lib, OAVda o‘zini "Oltin to‘p"ga da’vogar sifatida ko‘rsatishga qarshi va faqat uning maydondagi harakatlariga qarab baholanmoqchi. Biroq vingerning ayrim yaqin do‘stlari jamoadoshining gaplaridan hayratda qolishdi.
Shu bilan birga, Dembele atrofidagilar har qanday kelishmovchilikni inkor etib, har kim o‘z fikrini bildirishga haqli deb hisoblaydi.
"Oltin to‘p" sohibi nomi 22 sentyabr kuni bo‘lib o‘tadigan taqdirlash marosimida aniqlanadi.
