"Ливерпуль" марказий ҳимоячиси Ибраима Конатенинг Мадриднинг "Реал" клубига ўтиш имкониятлари ўсишда давом этмоқда. Катта эҳтимол билан "қаймоқранглилар" жорий трансферлар ойнасининг сўнгги кунларида франциялик футболчини сотиб олишга уриниб кўради, деб хабар беради Diario AS. Айни дамда "қизиллар" Марк Гехи ва Жованни Леонининг трансфери устида ишламоқда - агар иккаласи ҳам қўлга киритилса, Конате яқин ҳафталар ичида Мадридга қўйиб юборилиши мумкин.
Ибраима Конатенинг ўзи аллақачон "Реал"га ўтишга рози бўлган - у шу ёздаёқ трансфер якунланишига тайёр, аммо "Ливерпуль" билан шартномаси муддати тугайдиган кейинги йилгача ҳам кутиши мумкин. Шуниси аниқки, футболчи "қироллик клуби"да ўйнашни хоҳлайди.
Манбага кўра, Испания гранди 26 ёшли футболчи учун кўпи билан 25 млн евро таклиф қилади.
