"ПСЖ" ҳужумчиси Златан Иброҳимович яна клубини ўзгартирмоқчи. Бу сафар шведнинг кўнгли яқинда Карло Анчелотти қўлга олган "Реал"да ўйнашни тусаб қолган. Хар ҳолда, Punto Pelota нашри шундай хабар тарқатган.
Манбанинг ёзишича, Иброҳимович италиялик мутахассис билан суҳбатдан кейин фаолиятини яна унинг мураббийлигида давом эттиришга қарор қилган. Бу билан, афтидан, Златан "Анчелотти кетса мен ҳам кетаман" деган сўзининг устидан чиқмоқда. Ҳозир Карло ота Мадридда, демак шведциялик ҳужумчи ҳам ўша ерда бўлиш ҳақида бош қотириб қолган.
Бу борада Иброҳимович ўз агенти Мино Райолега ҳам мурожаат қилиб улгурди. Агент яқин орада "қироллик клуби" билан алоқага чиқиши кутилмоқда. Трансфернинг таҳминий нархи ҳам яъён - 20 миллион евро.













