"Манчестер Сити" бош мураббийи Хосеп Гвардиола дарвозабонлар билан боғлиқ вазият ҳақида гапирди. Шанба куни "шаҳарликлар" сафида Жеймс Траффорд дебют қилди, у ёзда қадрдон клубига қайтди.

"Жеймс учун жуда хурсандман. У академия ўйинчиси ва ҳозирда Премьер-лигада дебют қилди. У жуда яхши ўйнади ва мен жуда мамнунман. Менга академиядаги ёш футболчилар "Манчестер Сити"да яхши ўйнашлари ёқади. Бу ҳақиқатан ҳам ажойиб," - деди Гвардиола BBC Radio 5 Live’га.

Шу билан бирга, Хосеп Гвардиола Эдерсоннинг клубни тарк этиши ҳақидаги саволга жавоб бермади. Бразилиялик футболчи шанба куни "шаҳарликлар"нинг қайдномасида йўқ эди. Тез орада Эдерсон "Галатасарой"га ўтиши кутилмоқда.

АПЛ 1-турида "Манчестер Сити" "Вулверхэмптон"ни 4:0 ҳисобида мағлуб этди.