Англия Премьер-лигасининг 1-турида "Манчестер Сити" сафарда "Вулверхэмптон"ни 4:0 ҳисобида мағлуб этди. Ўйиндан кейин "шаҳарликлар" бош мураббийи Хосеп Гвардиола ғалабага изоҳ берди.
"Биринчи бўлим яхши ўтди, иккинчиси - йўқ. Бизда қисқа мавсумолди йиғини бўлди. "Молинью" стадионида доим муаммоларга дуч келганмиз. Икки йил олдин биз бу ерда ютқазгандик, ўтган мавсумда эса Жон Стоунс сўнгги дақиқаларда гол урганди. Бу ерда ҳар доим қийин, шунинг учун натижадан жуда хурсандман. Яхши ўйнадик. Бошиданоқ яхши темп ва тезликни кўрсатдик," - деди Гвардиола BBC’нинг Match of the Day дастурида.
Иккинчи турда "Манчестер Сити" ўз майдонида "Тоттенхэм"ни қабул қилади. Ўйин 23 август куни бўлиб ўтади.













