"Бавария" бош мураббийи Венсан Компани жамоасининг Германия Суперкубоги учун "Штутгарт"га қарши ўйиндаги муваффақияти (2:1) ҳақида гапирди.
Мюнхенликлар 18 ва 77-дақиқаларда Харри Кейн ва Луис Диаснинг голлари эвазига ғалаба қозонишди.
94-дақиқада швабияликлар сафида Жейми Левелинг гол урди.
"Бу кубок жуда муҳим, чунки у клуб афсонаси Франц Беккенбауэр номи билан аталган. Штутгартда бу ҳеч қачон осон бўлмаган, аммо биз буни уддаладик.
Албатта, биз мавсумга узоқроқ тайёргарлик кўришни маъқул кўрган бўлардик, аммо шикоят қилишнинг маъноси йўқ - вазифа бажарилди.
Биз мақсадимизга эришдик ва мавсумни кубок билан бошладик. Бу муҳим", - деди Компани.
