Франциялик собиқ футболчи Самир Насри "Манчестер Сити" ҳужумкор ярим ҳимоячиси Райан Шеркининг ўйинидан ҳайратга тушди.
"Шаҳарликлар"нинг 22 ёшли янги футболчиси Премьер-лигадаги дебютини "Вулверхэмптон"га қарши ўйинда (4:0) гол уриб, муваффақиятли ўтказди. Француз 73-дақиқада Эрлинг Холанднинг ўрнига майдонга тушди ва 81-дақиқада якуний голни урди.
"Шерки Ламин Ямал билан бир хил даражадаги истеъдодга эга. Унинг ажойиб дриблинги бор. Энди у барқарорликка эришиши керак - шунда у энг яхшилар қаторида бўлади," - дея Насрининг сўзларини келтиради Blue Moon.
