Италиянинг "Милан" клуби Q8 компанияси билан ҳомийлик шартномасини имзолади - у клуб транспортини ёқилғи билан таъминлайди.
"Милан" расмий ёқилғи етказиб берувчи сифатида Q8’ни ўз ҳамкорлари рўйхатига киритганини мамнуният билан эълон қилади. Инновация ва тараққиёт - янги ҳамкорлигимизнинг асоси," - дейилади клуб пресс-релизида.
Q8 компанияси 1984 йилда ташкил этилган ва йирикроқ Kuwait Petroleum International корхонасининг филиали ҳисобланади. Италия чемпионатининг янги мавсуми шу ҳафта охирида бошланади. "Милан" биринчи турда "Кремонезе"га қарши ўйнайди, бу 23 август, шанба куни бўлиб ўтади.
