"Рома" Лоренцо Пеллегрини билан шартномани узайтирмайди.
Бу ҳақда римликлар бош мураббийи Жан Пьеро Гасперини маълум қилди.
"Пеллегрини қайтишга яқин, у билан боғлиқ вазият тўлиқ аниқ эмас: клуб шартномани узайтиришни истамаяпти, аммо Пеллегрини терма жамоага қайтиш учун ўйнаши керак.
Мен баҳс-мунозара қилмоқчи эмасман, шунчаки айтмоқчиман: агар барча томонлар учун мос келадиган ечим пайдо бўлса - у ҳам, клуб ҳам мамнун бўлади. Бугунги кунда бундай имконият йўқ," - деди "Рома" бош мураббийи.
Аввалроқ шартномаси 2026 йилда тугайдиган Пеллегрини асосий сардорлик мақомидан маҳрум бўлганди. У 2021 йилдан бери сардорлик боғичини тақиб келган.
Лоренцо "Рома" тарбияланувчиси ҳисобланади. У 2014 йилда клубда ўйнай бошлаган, 2015 йилда "Сассуоло"га кетган ва 2017 йилда "Рома"га қайтган.
