Ҳужумчи Пау Виктор ёзда "Барселона"дан Португалиянинг "Брага" клубига кўчиб ўтди. Бундай қарорга келиш сабаблари ҳақида футболчининг ўзи гапириб берди.
"Агар амбициялар ҳақида гапирадиган бўлсам, мен ўйнашни хоҳлардим. Қарор мен учун оғир бўлди, лекин ўйлашимча, у тўғри эди: мен ўйнашим ва ўсишим керак эди, мураббий ва атрофимдагилар билан суҳбатдан сўнг айнан шундай қарорга келдим," - дея футболчининг сўзларини келтиради Diario Sport.
"Кўк-анорранглилар" сафида Пау Виктор 29 та ўйинда майдонга тушиб, 2 та гол ва 1 та голли узатмани ўз ҳисобига ёздириб қўйди.
