Hujumchi Pau Viktor yozda "Barselona"dan Portugaliyaning "Braga" klubiga ko‘chib o‘tdi. Bunday qarorga kelish sabablari haqida futbolchining o‘zi gapirib berdi.
"Agar ambisiyalar haqida gapiradigan bo‘lsam, men o‘ynashni xohlardim. Qaror men uchun og‘ir bo‘ldi, lekin o‘ylashimcha, u to‘g‘ri edi: men o‘ynashim va o‘sishim kerak edi, murabbiy va atrofimdagilar bilan suhbatdan so‘ng aynan shunday qarorga keldim," - deya futbolchining so‘zlarini keltiradi Diario Sport.
"Ko‘k-anorranglilar" safida Pau Viktor 29 ta o‘yinda maydonga tushib, 2 ta gol va 1 ta golli uzatmani o‘z hisobiga yozdirib qo‘ydi.
