"Наполи" мавсум якунида EЧЛга йўл олса, "МЮ"дан Расмус Хёйлундни тўлиқ сотиб олади.

Журналист Жанлука Ди Марционинг маълум қилишича, клублар неаполликлар келаси мавсумда Чемпионлар лигасига чиқадиган бўлса, форвардни мажбурий сотиб олиш шарти билан ижарага олиш бўйича келишувга эришган. Шу билан бирга, Хёйлунднинг "Наполи" сафидаги ўйинлари сони мажбуриятнинг фаоллашишига ҳеч қандай таъсир кўрсатмайди.

"Манчестер Юнайтед" ва "Наполи" ўртасидаги янги алоқалар бугун режалаштирилган. Хёйлунд "МЮ"ни тарк этишга тайёр ва трансферни якунлаш учун сафарга рухсат берилишини кутмоқда. "Наполи" 30 август куни бўлиб ўтадиган "Кальяри"га қарши ўйиндаёқ Хёйлунд клуб сафида майдонга тушишига умид қилмоқда.