"Манчестер Сити" бош мураббийи Хосеп Гвардиола Премьер-лигада "Брайтон"га қарши кечган муваффақиятсиз ўйиндан сўнг (1:2) ўз фикрларини билдириб ўтди.
"Биз қилаётган ишларнинг кўпчилиги менга ёқмоқда. "Тоттенхэм"га қарши ўйинни ҳам яхши бошлагандик. Бугун ҳам кўп нарса ёқди, лекин ғалаба қозона олмадик. Бу атиги битта ўйин. Мавсум энди бошланди, олдинда ҳали узоқ давр бор," - деди Гвардиола Sky Sports нашрига.
Кейинроқ Гвардиоладан Англия чемпионлиги учун курашиш ҳақида ўйлайсизми, деб сўрашди.
"Унвон учун кураш? Бизга озгина вақт беринг. Атиги учта ўйин ўтказилди," - деди Гвардиола.
