"Ливерпуль"нинг швейцариялик мухлиси Флориан Тюрлер тўпланган клуб либослари сони бўйича Гиннеснинг рекордлар китобига кирди.
Тюрлер ҳаёти давомида севимли клубининг 1047 та футболкасини тўплади, бу мутлақ рекорддир, деб ёзади 20 Minuten.
Швейцариялик 60 ёшга тўлиши муносабати билан Маглингемдаги футбол стадионида барча футболкаларини қўйди ва юқоридан суратга олди.
"Ливерпуль" Англиянинг амалдаги чемпиони ҳисобланади. Мерсисайдликлар АПЛ-2025/2026 мавсумининг учта туридан сўнг 9 очко билан мусобақа жадвалида пешқадамлик қилмоқда.














