Испания терма жамоаси ҳимоячиси Марк Кукурельядан инглиз клублари трансферларга испан клубларига қараганда анча кўп пул сарфлаётганига изоҳ бериш сўралди.
"Менимча, Англияда пулнинг тақсимланиши анча текис. АПЛга чиққан жамоалар кўп пул олишади. Бу эса барчага зўр футболчиларни қўлга киритиш имконини беради. Шунинг учун ҳам АПЛдаги ҳар бир ўйин - жанг. "Сандерленд" АПЛга чиқиб, 200 миллион евро сармоя киритган бўлса, "Кристал Пэлас" Ла Лиганинг икки топ-футболчисини ўз сафига қўшиб олди. Буни тўғрилаш керак, чунки ҳозир Ла Лига АПЛдан ортда қолмоқда", - деди Кукурелья AS’га.
Англия чемпионатининг 3-туридан сўнг пешқадам "Ливерпуль" бўлиб турибди.
