"Манчестер Сити" ҳужумчиси Эрлинг Холанд Норвегия терма жамоаси сафида Молдовага қарши ўйинда бешта гол урди. Учрашув скандинавияликларнинг 11:1 ҳисобидаги йирик ғалабаси билан якунланди, 25 ёшли форвард эса тўғридан-тўғри еттита голда иштирок этди - ўзи бешта гол урди ва иккита голли узатмани амалга оширди.
Баҳс тугагач, футболчи ижтимоий тармоқларда атиги икки сўз ёзиб, тўп билан тушган суратини илова қилган: "Not Bad" ["Ёмон эмас").
Эрлинг Холанд Норвегия терма жамоаси сафида 45 та ўйинда 48 та гол урган. "Шаҳарликлар" вакили 48 йил ичида жаҳон чемпионати учун Европа саралашида пента-трик қайд этган илк футболчи бўлди.
