"Бавария" дарвозабони Мануэл Нойер Бундеслига доирасидаги "Гамбург"га (5:0) қарши ўйиндан сўнг ўз фикрларини билдириб ўтди.
Венсан Компани жамоаси 29-дақиқага келиб меҳмонлар дарвозасига 4та тўп киритганди. Иккинчи бўлимда Харри Кейн пенальтини аниқ амалга ошириб, таблодаги якуний натижани ўрнатди.
"Дастлабки дақиқалардан тўлиқ эътибор, ажойиб голлар. Концентрацияни охиригача ушлаб турдик, гол ўтказиб юбормасликни хоҳладик. Бундан ташқари, танаффусга тўртта гол фарқи билан кетиш муҳим эди - баъзилар терма жамоадан қайтганидан кейин дам олиши керак эди," - деди Нойер ОАВ билан суҳбатда.













