"Барселона" ярим ҳимоячиси Фермин Лопес клубда қолиш қарори ҳақидаги саволга жавоб берди.
Ёзги трансферлар ойнаси ёпилиши олдидан испаниялик футболчини Лондоннинг "Челси" клуби ўз сафига қўшиб олишга уриниб кўрди, бироқ хавбек кетишни истамади. Якшанба куни Лопес дубль қайд этди ва "кўк-анорранглилар"га Ла Лига баҳсида "Валенсия"ни йирик ҳисобда мағлуб этишга ёрдам берди (6:0).
"Менда келажакка нисбатан шубҳа йўқ эди - мен қолишни хоҳлардим. Таклифлар бўлди, аммо мен ҳар доим "Барселона"да ўйнашни давом эттиришни хоҳлардим. Бу ерда узоқ йилларни ўтказиш учун бор кучим билан курашаман," - дея Ферминнинг сўзларини келтиради журналист Фабрицио Романо.
