"Манчестер Сити" вингери Жереми Доку дарвозабон Жанлуижи Доннарумма ҳақида фикр билдирди.
Италиялик дарвозабон якшанба куни "Манчестер Юнайтед"га қарши кечган ва 3:0 ҳисобидаги ғалаба билан якунланган ўйинда "шаҳарликлар" сафида дебют қилди.
"Доннарумма жуда баланд ва ҳавода яхши - бу бурчак зарбаларида ёрдам беради. Сен ҳар доим унинг чиқиб, тўпни қўллари билан уриб юборишига ишонч ҳосил қилишинг мумкин. Мен у учун хурсандман. Дебют ўйиндаги дербидаги қуруқ ғалаба - менимча, у жуда мамнун," - дея Докунинг сўзларини келтиради City Report.
