Мадриднинг "Атлетико" клуби бош мураббийи Диего Симеоне Чемпионлар лигаси умумий босқичининг 1-туридан ўрин олган "Ливерпуль"га қарши ўйиндан нималар кутаётгани ҳақида гапирди.
Аргентиналик мутахассис инглиз клубида мухлисларнинг кучли қўллаб-қувватлаши ва жамоани топ-даражага олиб чиқа олган мураббий борлигини таъкидлади. Унинг сўзларига кўра, "Ливерпуль" тезкор қарши ҳужумлар, ҳужумда оддийлиги ва тўпни рақиб жарима майдонига бир зумда етказиб бера олиши билан ажралиб туради. Симеоне бундай ўйинга қаршилик кўрсатиш осон бўлмаслигини тан олди. Шу билан бирга, "Атлетико" устози унинг жамоаси ўз сценарийсини ўтказишга ҳаракат қилишини таъкидлади.
- Кучли рақиб, ажойиб мухлислари ва жамоани чўққига олиб чиққан мураббийи бор. Улар жуда кучли, аммо биз ўз ўйинимизни ўтказишга ҳаракат қиламиз," - дея Симеоненинг сўзларини келтиради Marca.
