"Манчестер Юнайтед" марказий ҳимоячиси Харри Магуайр жамоанинг қимматбаҳо янги футболчиси Беньямин Шешко ҳақидаги саволга жавоб берди.
"Қизил иблислар" ҳужумчини август ойида "Лейпциг"дан сотиб олган ва трансфер учун 75 млн евродан кўпроқ тўлаганди.
"Ўйлайманки, Шешко жамоа учун муҳим футболчига айланади. У ҳали жуда ёш, лекин унга аллақачон жиддий босим ўтказилмоқда - бундай клубда бу нормал ҳолат. Унга кўникиш учун вақт керак бўлиши мумкин, аммо у "Манчестер Юнайтед"да муваффақиятга эришиш учун барча ҳислатларга эга - жисмоний ва ақлий. Унинг машғулотлардаги иши мени ҳайратга солди. У ҳужумларни ажойиб якунламоқда ва у "МЮ" сафида кўплаб голлар уришига ишонаман," - деди Магуайр Sky Sports билан суҳбатда.
Беньямин Шешко манкунианликлар сафида бешта ўйинда майдонга тушди, аммо ҳозирча гол уришга муваффақ бўлмади.
