Бразилиялик юлдуз вингер Винисиус Жуниор "Реал"даги ҳолатидан норози. Футболчини франциялик ҳужумчи Килиан Мбаппе кўпроқ пул топаётгани қониқтирмаяпти.
Tribal Football нашри тарқатган хабарга кўра 25 ёшли бразилиялик футболчининг маоши Мбаппе маоши даражасига кўтарилишини истамоқда. Агар бу талаб бажарилмаса, унда Жуниор клубини ўзгартириши мумкин.
Испания Ла Лигасининг жорий мавсумида Винисиус бешта ўйин ўтказди. У ўз ҳисобига иккита гол ва иккита голли узатмани ёздириб қўйди. Унинг "Реал" билан шартномаси 2027 йилнинг ярмигача мўлжалланган ва бозор қиймати 170 миллион еврони ташкил этади.
