Миланнинг "Интер" клуби бош мураббийи Кристиан Киву "Сассуоло"га (2:1) қарши ўйиндан кейин журналистларнинг саволларига жавоб қайтарди.
"Энг муҳими - биз ўзимиз жуда муҳтож бўлган ғалабани қўлга киритдик, шу билан бирга яхши ўйин намойиш этдик. Бизда барчасини аввалроқ ҳал қилиш имконияти бор эди, аммо "Сассуоло" дарвозабони ажойиб ўйин кўрсатди. Ўйин охирида ўтказиб юборилган гол кескинликни келтириб чиқарди, аммо биз ўз футболимизни давом эттиришга ҳаракат қилдик. Хайриятки, ҳаммаси яхшилик билан тугади. Биз тезроқ тўп узатишимиз, ҳужумда янада яхшироқ ҳаракат қилишимиз мумкин, аммо ўйинчиларнинг характери, қатъияти, тўғри кайфиятини таъкидлаш муҳим," - деди Киву.
