Ярим ҳимоячи Фермин Лопес якшанба куни бўлиб ўтган "Хетафе"га қарши баҳсда жароҳат олди.
22 ёшли футболчи иккинчи бўлимда захирадан майдонга тушди, бироқ жароҳат билан ўйинни якунлади ва учрашув тугагач, кўз ёшларини тия олмади. Журналист Фернандо Полонинг ёзишича, "Барселона"дагилар пессимистик кайфиятда. Текширувлар душанба куни бўлиб ўтади, аммо клубдагилар жароҳат жиддий бўлиб чиқиши мумкинлигидан хавотирда.
Ханс-Дитер Флик жамоаси "Хетафе"ни Ферран Торрес (дубль) ва Дани Ольмонинг голлари эвазига 3:0 ҳисобида мағлуб этди.
25 сентябрь куни Каталония гранди "Реал Овьедо" меҳмони бўлади.
