France Football бош муҳаррири бўлган журналист Венсан Гарсия "ПСЖ" вингери Усмон Дембеленинг "Олтин тўп-2025" учун овоз йиғишдаги ғалабасига изоҳ берди.
"Дембеле катта устунлик билан ғалаба қозонди. Усмон бу овозга лойиқ эди. У барча қитъалардаги рақобатчиларидан жиддий фарқ билан олдинда эди," - дея бош муҳаррирнинг сўзларини келтиради L'Equipe.
Иккинчи ўринни Испания терма жамоаси ва Каталониянинг "Барселона" клуби ҳужумчиси Ламин Ямал эгаллади. Учинчи ўринни "ПСЖ"нинг португалиялик ярим ҳимоячиси Витинья эгаллади. Шунингдек, дунёнинг энг кучли футболчилари бешлигидан Муҳаммад Салоҳ ("Ливерпуль") ва Рафинья ("Барселона") жой олди.
