Райан Шерки октябрь ойи бошида майдонга қайтиши мумкин.
"Манчестер Сити" ярим ҳимоячиси август ойи охирида сон соҳасидан жароҳат олганди. "Шаҳарликлар" бош мураббийи Пеп Гвардиола футболчи икки ойни ўтказиб юборишини маълум қилганди.
L’Equipe хабарига кўра, француз шу ҳафта MRT текширувидан ўтган. Текширув унинг жароҳати тузалганини кўрсатди. Футболчининг "Манчестер Сити" билан тўлақонли машғулотларга қайтиши бир неча кунлик масала.
У 5 октябрь куни АПЛ доирасида "Брентфорд"га қарши ёки 1 октябрь куни Чемпионлар лигасида "Монако"га қарши ўйинда асосий таркибда майдонга тушиши мумкин.
