"Барселона" марказий ҳимоячиси Рональд Араухо "Реал Овьедо"га (3:1) қарши ўйиндан сўнг ўз таассуротлари билан ўртоқлашди.
Ханс-Дитер Флик жамоаси 33-дақиқада дарвозабон Жоан Гарсиянинг хатосидан сўнг гол ўтказиб юборди. Танаффусга қадар ҳисоб ўзгармади, иккинчи бўлимда эса меҳмонлар учта гол уриб, ғалабани қўлга киритишди.
"Биз хотиржамликни сақладик, рақибни ҳолдан тойдиришда давом этдик. Ўйин унчалик омадли бошланмади, "Реал Овьедо" бурчак зарбаларида хавфли кўринди, аммо биз бундай босимга қандай дош беришни биламиз. Иккинчи бўлимда хотиржамроқ ҳаракат қилдик ва ўз мақсадимизга эришдик. Ўйиндан қониқдим," - деди "кўк-анорранглилар"нинг учинчи голини киритган Араухо ўйиндан кейинги интервьюсида.
"Барселона" ҳисобида 6 турдан сўнг 16 очко мавжуд.
