Лондоннинг "Челси" клуби бош мураббийи Энцо Мареска жамоа яримҳимоячиси Коул Палмернинг жароҳатидан сўнг сафга қайтиш муддатини маълум қилди. Мутахассиснинг сўзларига кўра, инглиз икки-уч ҳафтани ўтказиб юборади.
"Биз Коулнинг аҳволи ёмонлашмаслиги учун уни бироз асрашга қарор қилдик. Биз унга яқин икки-уч ҳафта давомида терма жамоалар ўйинлари учун навбатдаги танаффусгача дам беришга қарор қилдик, бу вақт ичида у 100 фоиз тиклана олади", - дея Маресканинг сўзларини келтиради журналист Фабрицио Романо.
АПЛ 5-туридан ўрин олган "Манчестер Юнайтед"га (1:2) қарши ўйиннинг 21-дақиқасидаёқ Палмер майдонни тарк этишга мажбур бўлди.
