"Ливерпуль" бош мураббийи Арне Слот ҳимоячи Жованни Леонининг жароҳати ҳақида ўз фикрларини билдирди.
Италиялик футболчи мерсисайдликлар сафидаги илк ўйиндаёқ тиззасидан жиддий жароҳат олган эди.
"Леонининг аҳволи яхши эмас, чунки у олдинги хочсимон боғламини йиртиб олган. Бу эса у бир йилга яқин вақтни ўтказиб юборишини англатади. Ёш бўлиб бошқа мамлакатга келиб, биринчи ўйинда яхши ўйнагандан сўнг, бундай вазиятга ижобий қараш жуда қийин. Бироқ бу даҳшатли жароҳатдан тузалганидан кейин унинг олдида ҳали кўп йиллар бор," - дея Слот журналистларга маълум қилди.
27 сентябрь шанба куни "Ливерпуль" Премьер-лига доирасида "Кристал Пэлас" майдонига сафар қилади.
