"Бавария" дарвозабони Мануэль Нойер Германия чемпионатининг 5-туридан ўрин олган "Вердер"га (4:0) қарши баҳс ҳақида фикр билдирди.

"Бу ерда ишончли тарзда ғалаба қозондик ва яна ўйинда устунлик қилдик. Диққатимизни жамлашимиз, ҳар доим объективликни сақлашимиз ва ҳамма нарсани назорат остида ушлашга ҳаракат қилишимиз муҳим эди. Ҳаммамиз биламизки, исталган вақтда бир нечта гол уришга қодирмиз. Шунга қарамай, бунинг йўли осон эмас ва бунга эришиш учун кўп меҳнат қилишимиз керак," - дея Нойернинг сўзларини келтиради клуб расмий сайти.

"Бавария" очколарини 15тага етказиб, пешқадамлик қилмоқда. "Вердер" 4 очко билан 14-ўринда бормоқда.