Лондоннинг "Арсенал" клуби янги аъзоси Эберечи Эзе Микель Артета билан ишлаш таассуротлари билан ўртоқлашди.
"Канонирлар" 27 ёшли футболчини август ойида "Кристал Пэлас"дан қарийб 70 млн евро эвазига трансфер қилганди.
"Мен "Арсенал"га эндигина келганман, аммо ривожланаётганимни ҳис қиляпман. Артета сиз эътибор бермаган тафсилотларга эътибор қаратади. Баъзида у машғулот майдонида мен ҳатто ўйламаган нарсаларни кўради, аммо мен унинг маслаҳатларини амалда қўллаганимдан сўнг, бу жуда муҳим эканлиги аён бўлади. Бундай одамлар билан ҳар доим ишлашни хоҳлайсан - улар сенга ўз салоҳиятингни тўлиқ очишга ёрдам беради," - дея ҳужумкор ярим ҳимоячининг сўзларини келтиради Arsenal News Channel.
Эберечи Эзе "Арсенал" сафида бешта ўйинда битта гол ва иккита голли узатмага муаллифлик қилган.
