"Манчестер Сити" бош мураббийи Хосеп Гвардиола жамоа ҳужумчиси Жереми Докунинг жорий мавсумдаги ўйини ҳақида фикр билдирди.

Премьер-лиганинг 6-туридан ўрин олган ўйинда "шаҳарликлар" ўз майдонида "Бёрнли"ни 5:1 ҳисобида мағлубиятга учратди. Доку 1 та голли пас берди.

"Менда шундай ҳиссиёт борки, Доку майдоннинг сўнгги учдан бир қисмида вазминроқ қарорлар қабул қила бошлади! У чуқур ҳимояда ўйнайдиган жамоалар учун ақл бовар қилмайдиган хавф туғдиради. Жереми ҳақиқатан ҳам биз учун жуда муҳим, жуда муҳим!," - деди Гвардиола журналистларга.

Жорий мавсумда 23 ёшли бельгиялик барча мусобақаларда еттита учрашувда қатнашиб, гол урди ва учта ассист муаллифига айланди.