Микел Меринонинг голи "Арсенал"га Премьер-лига 6-туридан ўрин олган "Ньюкасл"га қарши ўйинда (2:1) ғалабани илиб кетишга ёрдам берди. Испаниялик футболчи 84-дақиқада "қарғалар" дарвозасини ишғол қилиб, ҳисобни тенглаштирган бўлса, ҳакам томонидан қўшиб берилган дақиқаларда Габриэль дос Сантос "канонирлар"га 3 очко келтирди.

Squawka’нинг қайд этишича, айнан Мерино 2025 йилда АПЛда урилган голлар сони бўйича "Арсенал"нинг барча ўйинчилари орасида етакчилик қилмоқда - 7 та. Иккинчи ўринни Габриэл Мартинелли ва Леандро Троссард бештадан гол уриб, бўлиб олишди.

Кейинги турда Микел Артета жамоаси "Вест Хэм" (4 октябрь) билан тўқнаш келади, ундан уч кун олдин эса ўз уйида Чемпионлар лигаси доирасида "Олимпиакос"ни қабул қилади.