Томас Мюллер тарихдаги энг совриндор немис футболчисига айланди.
"Бавария"нинг собиқ ҳужумкор ярим ҳимоячиси фаолиятидаги 35-совринни қўлга киритди.
У ёзда кўчиб ўтган "Ванкувер Уайткэпс" футбол бўйича Канада чемпионати финалида "Ванкувер"ни мағлуб этди (4:2). Мюллер 10-дақиқада пенальтидан унумли фойдаланди.
Ушбу ғалаба МЛС клубига кейинги мавсумда КОНКАКАФ Чемпионлар Кубогида иштирок этиш ҳуқуқини беради.
Ўтган мавсумда "Бавария" билан Бундеслига чемпионлигини қўлга киритган Мюллер, немис футболчилари орасида энг кўп соврин соҳиби бўлиш бўйича Тони Кроос билан тенглашган эди - 34 та. Энди эса у мутлақ рекордчи бўлиб олди.
