"Кристал Пэлас" спорт раҳбарияти янги марказий ҳимоячи излаш бўйича фаол иш олиб бормоқда. Бу ҳақда Sun Sport хабар берди.
Манбага кўра, "бургутлар" январь ёки кейинги ёзда жамоани тарк этиши кутилаётган Марк Гехига ўринбосар қидирмоқда. Айни дамда "Челси"дан Жош Ачимпонг ва "Спортинг"дан Усмон Диоманде "Кристал Пэлас" эътиборида.
Жорий мавсумда Гехи барча турнирларда ўнта учрашувда қатнашиб, битта гол урди ва битта голли узатма муаллифига айланди.
Transfermarkt маълумотларига кўра, 25 ёшли ҳимоячининг нархи 45 миллион еврони ташкил этади.













