"Манчестер Юнайтед" форварди Жошуа Зиркзее қишки трансфер ойнасида кўпроқ ўйин дақиқаларига эга бўлмаса, клубни тарк этади. Бу ҳақда Football Insider нашри хабар бермоқда.
Манбага кўра, Зиркзее "Манчестер Юнайтед"да кам ўйин амалиётига эга бўлгани учун бўлажак жаҳон чемпионатини ўтказиб юбормоқчи эмас. Шу сабабли 24 ёшли нидерландиялик футболчи, агар ўша вақтга келиб вазият ўзгармаса, январь ойидаёқ клубини ўзгартирмоқчи.
Жорий мавсумда Зиркзее барча турнирларда 4 та учрашувда майдонга тушди, аммо умумий ҳисобда бор-йўғи 82 дақиқа майдонда ҳаракат қилди.
Ҳужумчининг "қизил иблислар" билан шартномаси 2029 йилгача мўлжалланган. Transfermarkt портали футболчининг нархини 30 миллион еврога баҳоламоқда.
